Tlai lama ni a tlak dawn khan,
Isu, damloten an bawm che;
Nat tinreng tuarin an inkhawm,
Dam tlang leh lawmin an tin leh.

Tunah tlai lam a thleng leh ta,
Hrehawm tinrengin kan inkhawm;
I hmel hmu thei lo mah ila,
Hetah i awm tih kan hre hlawm.

Kan hrehawm min tihreh ang che,
A then kan na, a then kan ngui;
A thenin kan ngai ngai lo che,
A then, kan ngaih che a reh si.

Kan sual vangin tu mah rengin,
Muanna tak chu kan hre thin lo
I thu awih tum mi tu pawhin,
A rilru sual a hre bik fo.

Isu, Nang pawh mihring i ni,
Thlem chung khan hrehawm tuar i peih;
Kan zahpui sual kan zep duh hi,
I khawngaih mitin a hmu thei.

Khawngaih takin min khawih ve rawh,
Hmana damlote khawih ang khan;
Kan hrehawm zawng zawng tireh la,
Thlamuang takin kan tin ve ang.

Other Songs from Kristian Hla Bu Album

• A hmangaihna fakin i zai ang
• A hmangaihnaa ka chawlhin
• A lalna ram chu rawn pelin
• A lo thang Chhandamtu pian thu
• A mian riang maw Van mi a lo piang

Related Lyrics

• Lalpa I aw nema Min kohna chu ka hria
• Krista rawn pa la, bo rei duh lovin
• Chaute u, Isua en r’u
• Lalpa hmangaihtuten
• Lal Isuan mi sual a lawm