LYRIC
Rilru lawm zawngte u,
Chhandamtu hming fakin,
In lawm hla sa r’u;
A hmangaih puang turin.
Khawvel ram tinah puang zel r’u, (2)
Hmangaihna lei in bat zawng chu.
A hmangaihna thlain,
Leiah hian alo tum;
Lalthutthleng, van arsi,
Lallukhum kalsanin,
Min tuarsak kha sawi sen em ni? (2)
Thihna ata min chhan turin.
Thlan thim tak atang khan,
Hnehtu ropui a tho;
Lei tuarna a hransan,
A ramah khian a chho,
Tunah ropuiin ro a rel, (2)
Hnehtu, Chhandamtu, kan Pathian.
A lo kir leh thuai ang,
A mi thlan hruai turin;
A ropuina thlirin,
Kan lawmna a kim ang.
Chutin van mipuite zingah, (2)
Lawm hla chuai lo tur kan sa ang.
No comments yet