LYRIC
Ka chhandamtun ka aia thih a lo thlang a,
Nung tlak lo kei misual chhandam nan;
Engti-a cheksawlh leh mualpho pawh a tuar zel,
Ka sual chhiar sen loh ngaihdamna chu.
Ka sualte kraws chungah ka Lalpan a phur ta,
Eng zata tam pawh a ngaidam duh,
Lungngaih sawi hleih theih loh tuarin Kalvari-ah,
Ka sual man bat min tlaksak zo ta.
Lalpan min hmangaihzia, aw, ka sawi thei lo,
Mi sual dum ber min sil fai leh ta;
Min tlan chhuak ta, sual bawihah ka tang leh tawh lo’ng,
Kraws chuan khawvel nen min tihrang ta.
Kraws bulah ka sual zawng zawng ka hnutchhiah vek a,
Engtin nge min tihbuai theih tawh ang?
Lal Isuan Kraws chungah a khengbet zo ta a,
Van nun thianghlimin ka leng tawh ang.
Ka Chhandamtu chu ka sual bosan tawh lo vang,
Ni tin a rawng ka bawl fo zawk ang;
A hming thianghlim chawimawi nan fak hla ka sa ang,
Ka ngaina em e – ka Chhandamtu.
No comments yet