Aw, sual thim lungnaih thlak tak hian,
Chhumpui zing angin min tuam;
Mahse, khua a lo var dawn ta,
Vana chhandamtu eng khi;
Zion tlang sang chunga puangtu
Au thawm ri chu kan hria ang;
Hlim takin kan inkhawm ang a,
Lal lo kal hunah.

Lungngaite u, lawm r’u,
In tan ropuina ni chu a hnai ta e;
Lawmin i zai ang u,
Kan Laler kan nghah chu a lo kal dawn e.

Isua thisen hlua tlante,
Chhak, thlang, chhim leh hmara mi,
Hlim takin an lo zai ang a,
Chawlhna ram tiam pan chungin;
Chitin leh hnam tin zing ata,
Ram tin ata lo chhuakte,
Lawm takin an inkhawm ang a,
Lal lo kal hunah.

A chhun a zana nghaktute,
Aman min la rawn hruai ang;
Bang lovin a rawng i bawl ang,
Thlarau ngunhnamte hmangin
He khawvel sual thim zingah hian
Kan khawnvar i chhi ang u;
Tin, hlim takin kan zai thei an g,
Lal lo kal hunah.

Aw chhandamtu, lo kal thuai la,
Thawkrimten an nghakhlel che;
Engtikah nge kan hmuh ang che,
I vanram khawpui eng nen?
I chatuan mi thianghlimte leh
Hnam tin i chhandamte nen.
Nangmah faka lawm hla sak ho
Kan va nghakhlel em!

Other Songs from Kristian Hla Bu Album

• A hmangaihna fakin i zai ang
• A hmangaihnaa ka chawlhin
• A lalna ram chu rawn pelin
• A lo thang Chhandamtu pian thu
• A mian riang maw Van mi a lo piang

Related Lyrics

• Chhandamtu aw mawi tak chu kan hria ang
• Aw nangni Lalpa lo kalna nghaktute u
• Ram ropui tak lo thleng tur kan nghah van piahan a awm a
• En rawh chhum zingah a lo kal
• Lalpa tawtawrawt a rik hunin hunbi a awm tawh lo’ng