Lyric

“Aw Nang Kan Lal Kan Pathian”

Composer : Rokunga

Aw nang, kan Lal kan Pathian,
I hming ropui ber se,
I hma a kan lo kun hian,
Kan dil ngaithla ang che.
Kan awmdan tur ngaihtuaha,
Mipui kan inkhawm in,
Finna ropui min pe la,
Ro min rel sak ang che.

I finna leh i theihna,
I hruaina lo rengin,
Ropuina leh lalthuthleng,
An ral leh si thin.
Nang erawh chu chatuanin,
Hnamtin tan kulhpui nghet,
Lalber te lalber chuan,
Ro min rel sak ang che.

Chuvangin aw kan Pathian,
Hei hi kan dil ber che,
Kan ram kan hnam min hruaia’n,
Nang chauh kan thlang ber a che.
Chhung lam leh pawn lam hmelma,
Indona thleng mahse,
Hneh zel turin min pui la,
Ro min rel sak ang che.