‘Father of Mizo Love Songs’ tia kan Mizo hrang hlui lam ten an lo sawi thin Lalzova Chhangte hi kum 1924, December ni 2 khân Lunglei Rahsivêng-ah a piang a. A pa Hnûna, a nu Aimawii a ni. 1942-ah pawl 5 a pass hnuin C. Thuamluaian Calcutta-a lehkhazir tûrin a hruai thla a, a tuina lam lemziak a zir laiin a lunglêng lutuk a lo haw leh ta mai a. A dam chhûng ni chu hla tha tak tak phuah nân a hmang zui ta a.

Heng a hla phuahte avang hian Mizoramah Lalzova hre lo fa an awm kher lo vang tih khawpin a lâr a. Vânglai hun a hmang tan dawn mêk a, hla 50 tha zet chu a phuah hman tihin kum 1945, December ni 8 khân kum 21 mi chauh niin khawsikpui (Typhoid Fever) natnain Lungleiah a boral ta a ni.

Sakhaw lamah a inhmang tam hman lo nâin Pathian thuah chuan thûkna riau a nei a, sual nih inhriatna piah lamah sual sim pawimawhzia a hmu chiang hle tih he hla atang hian a hriat theih âwm e. Pathian fakna hla a phuah tam lo va, a phuah chhunte chu duai lo tak a ni thung.