Lal Isua kraws hnuaiah chuan,
Awmhmun ka lo rem a;
Ka thla chau tan lungpui hlim nuam,
Hahchawlhna a ni a;
Thlaler ram rovah hahdamna,
Khualzinte tan in nuam;
Thawkrimte leh phurrit phurte,
Thlamuanga an chawlhna.

Aw, Nang, hahchawlhna lungpui,
Ka bel che min hum la,
Van hmangaih leh a felna te,
Nangmahah an inrem;
Hmahah thlahtu’n lung lukhamin,
Vanram a thlir ang khan,
Ka tan ka Tlantu kraws ngei chu,
Van leihlawn a lo ni.

Lal Isua kraws ka thlirin
Ennawm a lo lang thin;
Min tuarsaktu hliam tuar hmel leh
Thi tur chu k ahmu a;
Thinlung mangang mittui tlain,
Ka puang thil lo lang chu;
A hmangaihna mak tak mai leh
Keima sual bawlhhlawh hi.

Aw kraws, ka chenna atan,
Ka thlang i hlim nuam chu;
Ka Lal hmel eng mawi chauh lo chu,
Ni eng dang ka ngai lo;
Lei nun inher liam zel karah,
Lei chauh hi hriat ka duh;
Keima sual ngei ka mualphona,
Kraws erawh ka mawina.

Other Songs from Kristian Hla Bu Album

• A hmangaihna fakin i zai ang
• A hmangaihnaa ka chawlhin
• A lalna ram chu rawn pelin
• A lo thang Chhandamtu pian thu
• A mian riang maw Van mi a lo piang

Related Lyrics

• Lalpa I aw nema Min kohna chu ka hria
• Krista rawn pa la, bo rei duh lovin
• Chaute u, Isua en r’u
• Lalpa hmangaihtuten
• Lal Isuan mi sual a lawm